يا ظريف الطول
يا قلب صارلك من سنين سنين
تركض وراهن بس يا مسكين
حاجي ورا أهل الحلا ماشي
بتتعب ومش رح يتعبوا الحلوين
***
يا ظريف الطول ويا بو الميجانا
يا بو العيون السود شو بحبك أنا
ويا ظريف الطول طولك هدّني
كنت رايح بطريقي ردّني
هالله هالله يا دني شو هالدني
جافيتنا ونسيت أيام الهنا
***
يا ظريف الطول يا طول الحلو
يا زنبق ونسمة هوا بتميله
مرقتوا علينا وليش ما بتميّلوا
تغامزوا الجيران وعرفوا شو بنا
***
يا ظريف الطول يا جار الرضا
حبك على قلبي بدمعاته مضى
وما بقى من العمر أكثر ما مضى
خلّي الليالي الباقية رقص وغنا
***
بنغنّي ..... ما بنغني ..... لأ بنغني
ليل مضوّي ودنيتنا صارت جنّه
ويا طير ال بالزعرورة وغاوية زهورها
لمّا ـ ن بتروح تزورها اسألها عنّي
ويا إم الشلحه الحمرا يضحك عمرها
لفتة من عيون السمرا بتجنني